الأحد، 12 ديسمبر 2010

وإكبرْ بهالغربي ..



قبل عدَّة سنوات حينما أتمت صديقة لي التاسعة عشر من عمرها، حفظت عندي سراً صغيراً : أن لا أخبر أحداً بعمرها، كنت صغيرة في ذلك الوقت وضحكت جداً لأن الركض بالعمر ليس سيئاً إلى هذا الحد إلا إن حسبنا أننا نقترب نحو الهاوية، أخبرتني صديقتي ليلتها أن يومها كان حزيناً للغاية وكانت مستاءة جداً لأن العمر ينقضي ولأنها لا تود أن ترى جلدها ينكمش حول فمها وعينيها. عندما أكملت صديقتي الحادية والعشرين، وهو العمر الذي وصلت له اليوم ، قالت أنها حبست نفسها في الغرفة وأخذت تبكي لأن عمرها ينقضي سريعاً، صديقتي حالياً لديها عدة أبناء وهي تتجه نحو منتصف العشرينيات ولم اسألها كيف قضت أعيادها الأخرى.

اليوم صباحاً ضحكت وأخبرت الجميع أن هذا العمر غير مناسب لي أبداً؛ لا أتخيل نفسي في الحادية والعشرين ولا أتخيل أنني فعلياً أكبر، ليس لأن التقدم في العمر سيء ولا خوفاً من اقتراب التجاعيد، فكريمات محاربة التجاعيد كثيرة :] ، بل لأنني لا أجد أن هذا العمر مناسب لي، لا أزال طفلة تحتاج وقتاً طويلاً قبل أن تأخذ حيزاً بين عالم الكبار وهذا العمر ثقيل جداً على فتاة خفيفة مثلي -_- .

ما بيلبق يا جماعة و الله ما بيلبق :\حاسة انو في شي غلط بالموضوع :D

هناك 20 تعليقًا:

مُحمّــد أبوزر يقول...

السلام عليكم ورحمة الله وبركاته

أتابع مدوّنتك من فترة
وقد أعجبت بالأسلوب التدويني الذي تنتهجيه وكتاباتك بشكل عامّ،
ويطيب لي الآن -وإن متأخّرًا- أن أترك بصمةً هُنا

" أتمنّى لك أعوامًا مديدة، مليئة بالخير والسعادة، والعامرة بطفولة الروح "

والسلام عليكم ورحمة الله وبركاته
--
واسمحي لي بهذه الهمسة:
بغضّ النظر عن آرائي الشخصيّة والمتعصّبة للغة العربية، فإنّي ألاحظ اهتماماً مشابهًا من قبلك من خلال ما تكتبينه بين الفينة والأخرى في تغريداتك على موقع "تويتر"
إلا أنّي لا أجد تفسيرًا للصورة العمليّة والواقعيّة المختلفة، ولو نسبيّاً، في ثنايا مدوّنتك المميّزة!!
--
:)

غير معرف يقول...

ميلاد الفرح
وكل عام وانتي عروسة

21 مش قصة كبيرة
يا حسرة علينا ( تجاعيد وشيب )


(f)

رشا يقول...

كل عام وانتي سالمة :)
http://www.youtube.com/watch?v=4dfiW5xqTJI

ثناء Kofiia يقول...

السلام عليكم محمد ،
تسلم يا رب :)

نعم محمد أنا متعصبة " كثيراً " للغة العربية، ولكن هذا لا يعني أن لا أستخدم مثلاً أغاني فيروز أو بعضاً من التعليقات العاميةالصغيرة .
هل هذا ما كنت تقصده تحديداً؟

سعيدة بوجودك لاول مرة هنا ^_^

ثناء Kofiia يقول...

أبو زكريا ،
وانت بألف خير يا رب . عقبال ما نشوف زكريا الصغير عريس ^_^

ثناء Kofiia يقول...

رشا ،
حياتي يا رشا :( ..
وانتِ بألف خير يا رب :*

لم يفتح اليوتيوب هنا لأنني لست في المنزل حالياً، سأراه حالما أعود :*

هل ستقومين بدعوتي لدزني لاند :$ ؟

غير معرف يقول...

بعدك صغيرة :D
قبل سنة حكيتلك اشي عن العمر انه مرات الاعداد هاي ما بتغير اشي.. اساليني لالي
مع انه صرت احس حالي كبيرة بين كل هالمدونين الصغار ههههههه

المهم

كل عام وانت بخير ,, ويبارك بعمرك :))

ثناء Kofiia يقول...

أهلاً زرقاء،
وانت بالف خير يا رب .
مبارح كنت بحكي لصديقتي رشاانو انتي ما بتلحقي تتأقلمي مع عمرك الجديد إلا وبتدخل يعمر جديد. ما بتلحقي تشبعي منو يعني ولا تحسي بإنو انجزتي هالشي الكبير :D
في دكتور بالجامعة كان يضلي يقلي انتي شكلك بنت صغيرة هربانة من المدرسة وجاية على الجامعة :p ما بحس انو بلبق اكون بعمر كبير زي هاد :$

يمكن انا وانتي وغيرنا مش هالقد بيفرق عنا العمر بس الأهل بصيروا ينظرولك غير، يعني وانتي صغيرة غير عن لمن صرتي مراهقة غير عن لمن دخلتي جامعة غير عن لمن بتخلصي جامعة:)

Lina Aude يقول...

كل عام و إنتِ بخير يا بطة : )

أما بالنسبة للعمر ف عادي جداً هي أنا 28 و مو مبين عليي و كنت أتدايق من الي حوالي لما يصغروني .
لعمر 24 و أنا أتدايق بعدها بطلت تفرق !

و بالعكس حلو النضوج كتير : )

ثناء Kofiia يقول...

اهلاً لنوش ،
وانتي بألف خير يا رب
ايه هوي حلو كتير :$ ،

سراب .. يقول...

:) متل كل سنة رح قلك ... سنة حلوة يا جميل

ولا تخافي ببيعك من عندي كريمات شد بشرة .. :D

شو قول انا!!!

ثناء Kofiia يقول...

وانتي بألف خير يا رب :)
لا ما رح احتاج اصلا :$

غير معرف يقول...

كان بدي احكيلك قبل كمشة حكي وجمل منمقة ومش عارف شو
بس قلت خير الكلام ما قل
فلهيك برجع بحكيلك كل عام وانتي بخير

بي اس : والله انا خايف من رقم ال20 لالي جاي
فكيف ال21

يلا الله بعين :p

ثناء Kofiia يقول...

وانتَ بألف خير :)
بالعكس العشرين عمر حلو، حبيته اكتر شي وحسيت اني نضجت فيو كتير .
مو حابة اطلع منو @_@

غير معرف يقول...

مش عارف
صراحة جد خايف لاوصل العشرين

جد رقم بخوف
لسا الواحد هاد رقم هزيل بحيث بامكانك تتهبل وتغلط بكل اريحية
بس انو 20
اشي هيك بحسها لما احيكها زي البوك اللي بتوفع من فوق بافلام الكرتون

ثناء Kofiia يقول...

لا عادي انا بعدني لهلا بتهبل :$
بكرة بنكبر وبنصير نتهبل على اللي بدهم يصيروا 20 سنة وقال خايفين :D

غير معرف يقول...

صحيح
اليوم اكتشفت اني واقع بخطأ حسابي
بعد فترة رح يصير عمري 21
مش 20

يعني لاحقك
:p

قولتك
بنصير نتهبل عليهم
بس بدك الصحيح جد هاي الارقام بتخوف

ثناء Kofiia يقول...

فعلاً انك نهفة. يعني طلعت 20 وقاعد بتقول انك خايف تصير 20 ؟
الله يجبر .

اه بتخوف بعرف :) مو قادرة اتخيل انو بكرة يصير عندي بيت وولاد قال وشغل وشغلات زي الكبار .

غير معرف يقول...

متأخرة لكني لن اغادر هذه الصفحة قبل قولها.

من بين ملايين الدورات التي دارتها الأرض حول الشمس ، خصتك بهذه الـ 21 دورة (كطلقات المدفع الـ 21 في مراسم استقبال شخص كريم الحضور)

اصبحوا 21 هل ستستمتعين بالمشاهد على الطريق ام ستقومين بعد يافطات المسافة؟

أتمنى أن يكون لك ما شئت من أمانيك :)
كل عام وانت بخير

ثناء Kofiia يقول...

أهلاً رامي
اكيد رح استمتع بالمشاهد ;)
وانت بألف خير . تسلم