في الحقيقة أنا لا أعرف ماذا أسميها. سرقة؟ قلة أدب؟ عدم احترام لأملاك الآخرين؟ قلة ذوق؟ سذاجة؟ جهل؟ سطحية؟ مُخ فاضي مبيعرف غير انو يعمل [ كوبي بيست ! ] ؟ أم أنها تشمل كل ما سبق ؟
ما حدث هُو أنني اكتشفت وعن طريقة الصدفة عدة مواضيع أو لنقل : رسائل – وعلى لسان السارقة فهي قصائد وما أجمله من جهل – قد سُرقت من مدونتي. بالصور، بالكلمات من دُون حتى أن تنبه السارقة أو السارق بأنها منقولة – مع العلم أن كلمة منقول غير كافية وتدل أن صاحبها جاهل جداً ولا يهتم كثيراً في التأكد من صدق ما نقله –
اكتشفت هذا عن طريق الصُدفة، لم تكن رسائل مثل المرة الماضية تستفسر هل أنت فلانة الفُلانية؟ هل انت من يقوم بنقل ما تكتبينهُ في مدونتك للمنتديات؟ - انو بالله يعني فاضية لأقعد انقل من منتدى للتاني ؟ - هذه المرة شيء ما ، قد تكون العصفورة ، جاءت للمنام وأخبرتني ... إي و الله منا كزبة : ) !
حاولت أن أعطي البنت عذر من مبدأ – بعدها صغيرة ! – ولكنني فوجئت برد لها على احدهم بما معناه – شكراً لانو قصائدي أعجبتكم ( تم تعديل مشاركتها البارحة ) - الغريب في الأمر ان تلك لم تكن قصائد. انا لم أكتب قصيدة في حياتي؛ ولا أظن بأنني أملك تلك الهبة! وحتى اتجنب الكذب، نعم في الحقيقة كتبت عدة أبيات منذ سنوات عدة وقد كانت على بحر الهزج ولم أكملها لدواعي الدراسة وقلة الوقت ولا أتذكر منها شيئاً اليوم.
الغبي في الأمر أنه بعد ان قامت تلك العضوة بسرقة المواضيع صارت تنتشر كالهشيم ! الغريب أن البعض فقط يقوم بالنسخ لصق : كوبي بيست ( إنو منشان الله اقروا شوي، هي مواضيع مش للنسخ ، هي مكانها هون حتى انا ما فيني غير مكانها ! ) والأمر المزعج حقاً هُو أن تلك الفتاة بما أنها المصدر، فبالتأكيد قامت بسرقتها من هنا ! – طيب مدامني فاتحة الباب لكل يقروا خرابيشي مش بالضرورة تاخديها او تاخدها وتنسبوها لحالكن، هالأطفال عندهم أهل وبيت وهي المدونة هاي –
نوت : شكراً للمنتدى الأول لأنهم عدلوا ع الموضوع.
المواضيع المسروقة :
ما حد يسألني ليه مش عم تحطي اشيا متل زمان ! من بعد المرة الاولى بطلت حب حط شي هون، ومافيني احذف شي قديم من هون .
منشان الله ، برجع احكيها للمرة المليون : إن كانت نفوسكم تسول لكم، فلا تمروا على المدونة. بليز برررة !
( معصبة و واصلة للسما معي )
هناك 20 تعليقًا:
مساء الخير كوفية ..
السارق يسرق الحين وعيونك طايرة ولا كأنو عمل شي ...
يحدثني أحد الأصدقاء بسرقة كتاباته ونشرها بالجرايد بإسمه >>بالله قد ايش وصلت ..
صلي ع النبي ويامالك من اللصوص ..
ع فكرة كانت فرصة اسجل إعجابي بتدوينك الواعي .. :)
رزان
السرقة على الانترنت أمرٌ يبدو أنه أصبح طبيعياً جداً و من الحياة اليومية..
هامش: لو كنت أريد أن أسرق نصوصاً جميلة لكنت قصدت مدونتك طبعاً :)
سلامات
أهلين رزان ..
انا عارفة عن هالناس :s يمكن عندهم قلة ثقة :)
اللهم صلي على سيدنا محمد. انا مني هالئد معصبة بس انو هاي الحركة قليلة ادب و الله ومزعجة !
تسلميلي يا رب.
أهلين ياسين،
شكلو هيك :) ، بس انو مش عارفة كيف الواحد بينبسط ازا سرقلو شي وقال انو الو :|
هههههههههههههه :d
أيييه welcome to the club
على سيرة الـ Club لازم نعمل تجمع افتراضي شغلته ينشر نصوص السرقات
ما بعرف كيف الواحد بشعر انه ناجح بالكتابة وكل كتاباته سرقة...الله بعينك..لانه هدول الناس صعب الواحد يمسكهم ..يعني ما في شرطة الكترونية..
المشكلة بكون يرد عالاعضاء بكل ثقة انه انا اللي كتبتها..
شكلها في وحدة برضو استعارت اسمك؟؟..وللا على اساس حطت المصدر
فسي اعرف كام عمرك ^^
آه من نفوس رخيصـة !
تباً كم هو مزعج الأمر و ساذج في ذات الوقت !
حتى حروفنا وكلماتنا صرنا نشوفها بأسماء آخرين [ مغفلين ] !
(F)
uramium
عنجد اعملوا club ! : (
انو شو هالزناخة فيهم يعني :( ؟
مثنى ،
عنجد مش عارفة كيف عايشين. طب ازا الطرف التاني بطل يكتب كيف رح يكملوا :هع: ؟ ولا بنقلوا عحدي تاني عشان قال يعني غيروا اسلوبهم :p
مين استعار اسمي ما فهمت؟
سقط سهواً،
ما بعرف شو دخل العمر بالتدوينة. بس عمري مكتوب. اقرأ بالتدوينات التحت - عيد ميلادي - وبتعرف :)
هوب،
إي شايفة :)
الله بعين !
و ليه كلكم معصبين ؟
إزا همي قليلين عقل و بسرقوا نصوص و بنسبوها ئلهم ، نقل عقلنا احنا و ندور عليهم ؟!
هاي تاني مرة ادوني بهالخصوص كوفية -هيك بتزكر- و مو شايفة الموضوع مهم لاضلي تفتشي و تنبشي وراهم !
يا بدّوني و طز فيهم
يا ما بدوني من أصلو ، نحنا بعالم الكتروني مو بالبيت : )
أهلين لينا
لك ما بدور وراهم ، دائماً بوصلني رسائل او هيك شي وانا بتدايق وبنجلط.
انو يصير مع غيرك الاشي غير عن انو يصير معك. متذكرة شمس وسعيد وقت بطلوا بدهم يكتبوا من ورا هالشغلة؟ انا شفتها عادية للشغلة :\ يعني اكتبوا عادي ولا تهتموا ، بس فكرة انها تصير معك بتجلط عنجد :)
شو المشكلة طيب؟
بِ ؟
ولك كوفية .. روقي . هدول بكونوا فيهم مرض نفسي ..
عفكرة شفت الروابط يلي حاططتيهم وضحكت كتير بكل وحدة بفتحها .. لك لا تعاليق ولا حتى رد من يلي حاطة الموضوع بستاهل هالسرقة !
يعني لو شفت رد محترم كنت غفرت وقلت طلع في حدا فهمان ورد بشكل محترم .. بس الله وكيلك مسخرة ! وكلا منتديات لعي فاضي
بقى لا تزعلي ... إنتي كبيرة :D
كيفك اليوم ؟:p
و الله لو حد فهمان سارقها لسا بتضل أهون الشغلة. مش لانه فهمان ! لا بس لأنه الناس اللي هناك حتكون عارفة هل هو هيك أو لأ :) بس انه تسرقها وحدة او واحد مش فهمانين فهون مصيبة لانه مستحيل حد يعرف :)
قبل فترة شفت وحدة ناسخة شغلات من هوليوود :هع: بس يعني مش كلشي قال اقتباسات :هع:
ماشي حالي انتي كيفك :) ؟
ليكني عم دفش بهالحياة ..
وينك غاطة انتي ؟
أهلين ، شو اخبارك؟ زمان عنك ..
بهالجامعة، وين بدي كون يعني :(
إرسال تعليق