الاثنين، 28 ديسمبر 2009

سرقة !




في الحقيقة أنا لا أعرف ماذا أسميها. سرقة؟ قلة أدب؟ عدم احترام لأملاك الآخرين؟ قلة ذوق؟ سذاجة؟ جهل؟ سطحية؟ مُخ فاضي مبيعرف غير انو يعمل [ كوبي بيست ! ]  ؟ أم أنها تشمل كل ما سبق ؟

ما حدث هُو أنني اكتشفت وعن طريقة الصدفة عدة مواضيع أو لنقل : رسائل – وعلى لسان السارقة فهي قصائد وما أجمله من جهل – قد سُرقت من مدونتي. بالصور، بالكلمات من دُون حتى أن تنبه السارقة أو السارق بأنها منقولة – مع العلم أن كلمة منقول غير كافية وتدل أن صاحبها جاهل جداً ولا يهتم كثيراً في التأكد من صدق ما نقله

اكتشفت هذا عن طريق الصُدفة، لم تكن رسائل مثل المرة الماضية تستفسر هل أنت فلانة الفُلانية؟ هل انت من يقوم بنقل ما تكتبينهُ في مدونتك للمنتديات؟ - انو بالله يعني فاضية لأقعد انقل من منتدى للتاني ؟ - هذه المرة شيء ما ، قد تكون العصفورة ، جاءت للمنام وأخبرتني  ... إي و الله منا كزبة : ) !

حاولت أن أعطي البنت عذر من مبدأ – بعدها صغيرة ! – ولكنني فوجئت برد لها على احدهم بما معناه – شكراً لانو قصائدي أعجبتكم ( تم تعديل مشاركتها البارحة ) - الغريب في الأمر ان تلك لم تكن قصائد. انا لم أكتب قصيدة في حياتي؛ ولا أظن بأنني أملك تلك الهبة! وحتى اتجنب الكذب، نعم في الحقيقة كتبت عدة أبيات منذ سنوات عدة وقد كانت على بحر الهزج ولم أكملها لدواعي الدراسة وقلة الوقت ولا أتذكر منها شيئاً اليوم.

الغبي في الأمر أنه بعد ان قامت تلك العضوة بسرقة المواضيع صارت تنتشر كالهشيم ! الغريب أن البعض فقط يقوم بالنسخ لصق : كوبي بيست ( إنو منشان الله اقروا شوي، هي مواضيع مش للنسخ ، هي مكانها هون حتى انا ما فيني غير مكانها ! ) والأمر المزعج حقاً هُو أن تلك الفتاة بما أنها المصدر، فبالتأكيد قامت بسرقتها من هنا ! – طيب مدامني فاتحة الباب لكل يقروا خرابيشي مش بالضرورة تاخديها او تاخدها وتنسبوها لحالكن، هالأطفال عندهم أهل وبيت وهي المدونة هاي

نوت : شكراً للمنتدى الأول لأنهم عدلوا ع الموضوع.

المواضيع المسروقة :
1
2
3
4
ما حد يسألني ليه مش عم تحطي اشيا متل زمان ! من بعد المرة الاولى بطلت حب حط شي هون، ومافيني احذف شي قديم من هون .

منشان الله ، برجع احكيها للمرة المليون : إن كانت نفوسكم تسول لكم، فلا تمروا على المدونة. بليز برررة !

( معصبة و واصلة للسما معي )




هناك 20 تعليقًا:

غير معرف يقول...

مساء الخير كوفية ..
السارق يسرق الحين وعيونك طايرة ولا كأنو عمل شي ...
يحدثني أحد الأصدقاء بسرقة كتاباته ونشرها بالجرايد بإسمه >>بالله قد ايش وصلت ..
صلي ع النبي ويامالك من اللصوص ..
ع فكرة كانت فرصة اسجل إعجابي بتدوينك الواعي .. :)
رزان

ياسين السويحة | Yassin Swehat يقول...

السرقة على الانترنت أمرٌ يبدو أنه أصبح طبيعياً جداً و من الحياة اليومية..

هامش: لو كنت أريد أن أسرق نصوصاً جميلة لكنت قصدت مدونتك طبعاً :)


سلامات

ثناء Kofiia يقول...

أهلين رزان ..
انا عارفة عن هالناس :s يمكن عندهم قلة ثقة :)
اللهم صلي على سيدنا محمد. انا مني هالئد معصبة بس انو هاي الحركة قليلة ادب و الله ومزعجة !

تسلميلي يا رب.

ثناء Kofiia يقول...

أهلين ياسين،
شكلو هيك :) ، بس انو مش عارفة كيف الواحد بينبسط ازا سرقلو شي وقال انو الو :|

هههههههههههههه :d

غير معرف يقول...

أيييه welcome to the club

على سيرة الـ Club لازم نعمل تجمع افتراضي شغلته ينشر نصوص السرقات

Mothanna يقول...

ما بعرف كيف الواحد بشعر انه ناجح بالكتابة وكل كتاباته سرقة...الله بعينك..لانه هدول الناس صعب الواحد يمسكهم ..يعني ما في شرطة الكترونية..

المشكلة بكون يرد عالاعضاء بكل ثقة انه انا اللي كتبتها..

شكلها في وحدة برضو استعارت اسمك؟؟..وللا على اساس حطت المصدر

صدقي شُرّاب يقول...

فسي اعرف كام عمرك ^^

غير معرف يقول...

آه من نفوس رخيصـة !
تباً كم هو مزعج الأمر و ساذج في ذات الوقت !

حتى حروفنا وكلماتنا صرنا نشوفها بأسماء آخرين [ مغفلين ] !


(F)

ثناء Kofiia يقول...

uramium
عنجد اعملوا club ! : (
انو شو هالزناخة فيهم يعني :( ؟

ثناء Kofiia يقول...

مثنى ،
عنجد مش عارفة كيف عايشين. طب ازا الطرف التاني بطل يكتب كيف رح يكملوا :هع: ؟ ولا بنقلوا عحدي تاني عشان قال يعني غيروا اسلوبهم :p
مين استعار اسمي ما فهمت؟

ثناء Kofiia يقول...

سقط سهواً،
ما بعرف شو دخل العمر بالتدوينة. بس عمري مكتوب. اقرأ بالتدوينات التحت - عيد ميلادي - وبتعرف :)

ثناء Kofiia يقول...

هوب،
إي شايفة :)
الله بعين !

Lina Aude يقول...

و ليه كلكم معصبين ؟
إزا همي قليلين عقل و بسرقوا نصوص و بنسبوها ئلهم ، نقل عقلنا احنا و ندور عليهم ؟!
هاي تاني مرة ادوني بهالخصوص كوفية -هيك بتزكر- و مو شايفة الموضوع مهم لاضلي تفتشي و تنبشي وراهم !
يا بدّوني و طز فيهم
يا ما بدوني من أصلو ، نحنا بعالم الكتروني مو بالبيت : )

ثناء Kofiia يقول...

أهلين لينا
لك ما بدور وراهم ، دائماً بوصلني رسائل او هيك شي وانا بتدايق وبنجلط.
انو يصير مع غيرك الاشي غير عن انو يصير معك. متذكرة شمس وسعيد وقت بطلوا بدهم يكتبوا من ورا هالشغلة؟ انا شفتها عادية للشغلة :\ يعني اكتبوا عادي ولا تهتموا ، بس فكرة انها تصير معك بتجلط عنجد :)

غير معرف يقول...

شو المشكلة طيب؟

ثناء Kofiia يقول...

بِ ؟

سراب .. يقول...

ولك كوفية .. روقي . هدول بكونوا فيهم مرض نفسي ..

عفكرة شفت الروابط يلي حاططتيهم وضحكت كتير بكل وحدة بفتحها .. لك لا تعاليق ولا حتى رد من يلي حاطة الموضوع بستاهل هالسرقة !

يعني لو شفت رد محترم كنت غفرت وقلت طلع في حدا فهمان ورد بشكل محترم .. بس الله وكيلك مسخرة ! وكلا منتديات لعي فاضي

بقى لا تزعلي ... إنتي كبيرة :D


كيفك اليوم ؟:p

ثناء Kofiia يقول...

و الله لو حد فهمان سارقها لسا بتضل أهون الشغلة. مش لانه فهمان ! لا بس لأنه الناس اللي هناك حتكون عارفة هل هو هيك أو لأ :) بس انه تسرقها وحدة او واحد مش فهمانين فهون مصيبة لانه مستحيل حد يعرف :)
قبل فترة شفت وحدة ناسخة شغلات من هوليوود :هع: بس يعني مش كلشي قال اقتباسات :هع:

ماشي حالي انتي كيفك :) ؟

سراب .. يقول...

ليكني عم دفش بهالحياة ..

وينك غاطة انتي ؟

ثناء Kofiia يقول...

أهلين ، شو اخبارك؟ زمان عنك ..
بهالجامعة، وين بدي كون يعني :(