الثلاثاء، 11 مايو 2010

كذبة ،

(1)


- هل بإمكانكم أن تتخيلوا أن دولة إسرائيل تعمل على توفير ... -
= لحظة ممكن ضيف شغلة ؟
- تفضلي
= اسرائيل مو دولة !


(2)

- بدي اسألك.. تل أبيب عاصمة إسرائيل ؟
= لأ القدس عاصمتها.
+ إنتي وإياه، من إيمتا صار هاد الحكي؟

هناك 8 تعليقات:

غير معرف يقول...

شو يعني إسرائيل ..؟
في اشي اسمه إسرائيل ..؟
طيب ممكن نغير الموضوع ..؟

لانه الشي الحقيقي الحقيقي، وكمان مرة الحقيقي
يكمن في انه.. اممممم
انه نحنا صدقنا الكذبة، وكذبنا الحقيقة،
وبتصور.... أو متأكد أنه في عالم آخر " عالم قريب "
عايش بفكرة انه فلسطين دولة مستعمِرة....
وانه إسرائيل إلها اكتر من عاصمة غير القدس...
زي " .........الخ الخ الخ وما رح اسكر القوس

كوفية مرحبا

ثناء Kofiia يقول...

اي موضوع ؟ :S
انا بالنسبة الي اسرائيل مش موجودة :)

بس الغريب انو الكزبة تصدقت وهارت اشي عادي، بدل ما نعامل اسرائيل على انها نكرة. صار اسمها دولة. ما بعرف ليه بنقز لمن حد يقول دولة اسرائيل. من ايمتا هي صارت دولة؟
ايوا في كتير ناس بفكروا فلسطين هي المستعمرة. في حتى ناس ما بعرفوا شو يعني فلسطين وانا شفتهم بعيوني :S
يعني ازا بتقلهم فلسطين ما بعرفوا وين هاي موجودة بس ازا قلتهم اسرائيل بيعرفوا.

يا هلا.

Mothanna يقول...

صح صح..نسينا انه ما لازم نعتبرها اشي
صرنا نحكي ..بدنا نروح على اسرائيل..او منتجات اسرائيلية..او السلام بين اسرائيل وفلسطين...كإنه خلص صار في دولة اسمها اسرائيل...وبلشت مشاكلنا معهم مش الأرض وبس...صار في مفاوضات سلام وحدود وتصاريح..ونسينا قصة الارض..يعني كإنه احنا بدنا او عمرينا مابدنا صارت اسرائيل دولة

ثناء Kofiia يقول...

انا اللي بقهرني يا مثنى لمن نصير نحكي بدنا نعيش بسلام مع دولة اسرائيل. يعني هدول سرئوا حئنا وآخر شي نروح نحكي بدنا نعطيهم نص البلد ؟
أنا ما عندي مانع يعيشوا اليهود معانا متل أي دولة بعيش فيها ناس من أديان مختلفة، بس مش يجوا ياكلوا البلد ويصيروا يحكوا انو احنا بنسرق بلدهم !

احنا تماماً بزمن اختلفت فيه المقاييس وبكرة التاريخ كله رح يتغير صدقني :) بكرة رح نصير احنا السراقين وهما صحاب الحق .
الله لا يعيشني لهداك اليوم :D

سعيدة بك مثنى ^_^

لبنــــــــــى يقول...

حلو الواحد يكون واقعي و انا شخصيا بعتبر نفسي واقعية بس لهلا مو عارفة بالزبط وين هي دولة اسرائيل ؟
بغض النظر عن المشاعر و القصص هاي اللي ما بحبها
بس عمري ما رح اقتنع بانو اللي بياخد شي بتملكوا مع مرور الوقت كيف لو كان صاحب هالشي لهلا بطالب في ؟
بس ما عرفت لهلا وين دولة اسرائيل شكلي جاهلة بالجغرافيا كتير

ثناء Kofiia يقول...

أهلاً جفرا ،
مبارح كنت عم بقرأ أخبار من مصادر أجنبية. فعم بيحكوا عن فلسطين، طول الوقت بقولوا اسرائيل وفلسطين الخاضعة للسلطة ( قصدهم الصضفة وغزة )

ومن فترة في مراة اتصلت تشتكي على برنامج هون بتحكيلهم ابني الصغير جاي يسألني مين اسرائيل؟ هي انصدمت كتير . طلعوا بكتب المدرسة حاطين اسرائيل :)

ما في اسرائيل، بس العالم بالغصب بدو يخليها موجودة. ومو ملاقيين غير الفلسطينية المساكين يسرقولهم ارضهم :) مفكرين انو رح نكست عن حقنا.

سراب .. يقول...

الكذبة الاحلى ممن هيك لما يطلع مذيع في نشرة أخبار بقول بخبر عن فلسطين

"ضمن حدود الأراضي الفلسطينية المحتلة" .. بجيني تساؤل سريع .. ليش من إيمتى كانت الأراضي أصلا مو فلسطينية لحتى ما تكون هلأ فلسطينية !

يعني هلأ حتى الاعلام عم يشهر هي الكذبة ولا بأييدها بأفكارها وبنشر سخافاتها ..


يارب . سلم !

ثناء Kofiia يقول...

انو فيكي تقولي خلص الاعلام اصلاً متصالح مع هيك شغلة. وبعد شوي يمكن يصيروا يقولوا اسرائيل وعاصمتها القدس والضفة اللي قربت تنقرض وغزة. ما بعود لفلسطين عندهم معنى !

ان شاء الله خير :)

سعيدة بكِ.