السبت، 31 أكتوبر 2009

فتاة البرتقال - جوستاين غاردر




لم يعرف جورج أباه يوماً. ظل حبيس صورة وبعض لقطات تمُر سريعاً في ذاكرته حتى اتى اليوم الذي اكتشف فيهِ أن والده وقبل وفاته قد كتب لهُ رسالة طَويلة يحكي فيها عن " فتاة البرتقال ".صار جورج يعُود بذكرياته شيئاً فشيئاً. نعم هو قد عرف أن والده كان يكتب رسالة ما خلال فترة مرضه :
-لمن تكتب هذه الرسالة يا والدي؟
-لأفضل صديق عندي.
-لامي؟
-أمك حبيبتي، وشتان ما بين الصديق والحبيب.
-إذاً أهي لي؟
يتساءل الأب خلال كتابته عن المستقبل. أهو هو كما كان في زمانه؟ أم انه تغير كثيراً؟ تضم الرواية كذلك حديثاً عن منظار هوبل، عن سنفونيات بتهوفن، عن الحب والقدر الذي يأتي دائماً عكس توقعاتنا.
تثير الرواية العديد من الأسئلة عن ماهية وجودنا. وهل بإمكاننا المضي في هذه الحياة رُغم قصرها؟ أهل هو الحب الذي ينيرها؟
حملت الرواية الكثير من الحُزن، ومع ذلك فهي رواية جميلة.

هناك 30 تعليقًا:

osama يقول...

لا اعتقد اني سأقرأ رواية لفيلسوف ، عالم صوفي قراءتها من جل المعلومات فقط ،

المهم جئت هنا كي اسالك
لسا بتدوري ع كتاب التغييرات(اي تشنغ) ؟

ثناء Kofiia يقول...

أهلين اسامة ..
آه لسا بدور عليه.

osama يقول...

طيب
انا يوم الخميس كنت بالمكتبة وبالصدفة لقيت طبعتين من الكتاب
الاولى باسم كتاب التغييرات ترجمة ياسر عبدالله من دار فضاءات 300 صفحة
والثانية باسم كتاب التحولات رزان حاج علي من دار نينوى
200 صفحة
الثنتين ترجمة عن الانجليزي وعن مترجمين مختلفين برضو

هسة الاولى تاعيت ياسر فيها شرح للفلسفة بشكل عام يعني قبل ما يحكيلك انو شو تسوي وشو معنى الاشارات بيصير يعطي شروحات
اما الثاني ف بحكيلك هيك بدو يصير معك وهيك بدك تعملي وهاد معناه هيك ويلا تطبيق
انا جبت الثانية لانو اصغر وبس بدي اعرف الموضوع وشو القصة وبعدين ع فضاوة بشوف الفلسفة بشكل عام

بي اس : قبل كم يوم بعثت صديقة تسألك عن كتاب بالانجليزي من وين ممكن تحصلو عندكم وصلتك ؟

ثناء Kofiia يقول...

طيب ازا طلعت منها باشي احكيلي عشان اجيبها. يعني هاليومين خبرني :)
انا " سفر " ازا متزكرها كانت تقلي انها كانت تطبق فيها اشياء وكانت كلها تطلع صح. انا كنت استغرب. ونفسي اجرب هيك :d

اه اليوم رديت عليها.

سراب .. يقول...

حمستيني لأجيبها من معرض الكتاب القائم في الشارقة ..

شكرا لك كوفية .. احب مثلها روايات

ثناء Kofiia يقول...

جيبيها هي حلوة وخفيفة دم ^_^ ..
نيالك رح بتروحي :(
يا ريت الاقي حد ياخدني ويجيبني :d
بس تروحي خبريني عن المعرض.

osama يقول...

عدنا

مبارح بالليل طبقت
من ناحية زبط ، هو التطبيق بزبط لكن انو انتا بتصدق ولا لأ
هون النقطة

هو اللي بصير كالتالي
حتى تستخدمي كتاب التغييرات وتغيري حياتك
بدك مثلا لما يصير عندك موضوع بدو استشارة ومش لاقيه
بتجيبي 3 عمل (عملات=نقود) وبترميهم بعد حالة استرخاء وطرح للسؤال بعقلك
وبتصيري كل مرة تحفظي النتائج حتى 6 مرات وبعدين بتستعيني بالكتاب حسب النتائج وهو بعطيكي النصيحة
طبعا الكتاب كلو نصائح ، المسألة حسيتها زي الابراج
يعني الكلام دايما بحكي بشكل ايجابي وبشكل عام ممكن ينطبق ع اي حدا

سوري ع التأخير

ثناء Kofiia يقول...

أهلين اسامة ..
طيب هو بجيب ب نعم ، لا ؟
ولا بطريقة تانية ؟
يعني بالعملات بتعتبر الوجه نعم والرقم لا او العكس؟ ولا بس بتوخد بشغلة " وجه، رقم " وبتشوف ايش بطلع معك ؟
يعني لا يُستخدم بقرارات مصيرية؟

انت ع شو جربتو؟

osama يقول...

لا هو ما بجيب بنعم ولا قطعاً
والعُمَل هي بس مشان ترسمي الاشارات وتعرفي تستخدميها بالكتاب

صراحة هسة تصفحت الكتاب
هيو موجود فيه ببعض المرات انو الانسحاب افضل الان
او غيرها انو هناك عائق او...

هسة شغلة قرارات مصيرية هاي بترجع الك
يعني انا بالنسبة الي ما اتوقع رح اوقف قرار مصيري عليه لكن ممكن استعين به

هسة شوفي احكيلك شغلة
ما بعرف ليه بس فكرت بالموضوع حسيتو زي طريقة عمل THE SECRET وقوة عقلك الباطن
لانو اول شي شغلة الاسترخاء انو هيك بتوصلي للعقل الباطن وبعدين طرح السؤال
حسيتها زي السيكرت انو بتحصل ع اللي بدك ياه والمناسب الك من قبل الـ"كون"
ما بعرف بس هيك حسيتها

ثناء Kofiia يقول...

أنا قريت كتاب السر وما بفكر أقراه. أنا بآمن بوجود قوة داخل الإنسان لكن مش إنو الانسان يتعلم كيف يستخدمها. كل انسان لازم يكون واعي كيف يقدر يستخدم قوتو. كيف يتحد مع حالو، الخ الخ .
وفكرة كتاب السر أظن هي : تفاءلوا بالخير تجدوه.

بشوف لو بقدر اشتريه او لأ. لأنه فرصة روحتي ع المعرض صعبة شوي.

osama يقول...

السر صراحة حسيتو بحكي زي قوة العقل الباطن بس انو بدون يا يحكي انو رح نشتغل ع هيك

يعني قوة عقلك الباطن بحكي انو مشان تنجز اشي لازم يدخل لعقلك الباطن حتى تصير تتصرف بشكل خارج من اللاشعور
هيك رح تنجز اللي بدك ياه بسهولة بدون ما تغلب حالك
يعني الحكي بما معناه مش هيك تحديدا بحكي الكتاب

السر بحكي انو ضلك فكر بالشغلة بشكل ايجابي وع طول وحس انك حصلت عليها وتخيل ومش عارف شو (طبعا شغلة التخيل برضو موجودة بكتاب عقلك الباطن بنفس الطريقة) وبالاخر بتشوف حالك بتحصل عليها ، الشغلة بتبين اكثر من خلال الامثلة

مبدأ القوة معك تقريبا انا
شكلك منزلة ساعات كثير هالفصل؟

ثناء Kofiia يقول...

اه انا بآمن بهاي الشغلة. بس بآمن فيها من قبل ما اقرأ كتب. يعني بحسها شغلة فطرية الواحد بكتشفها بحاله. أو يمكن لانه البابا كان يضل يحكيلنا عن قوة العقل الباطن وإنه الانسان عنده قوة داخلية ضخمة..
صحيح كنا زغار بس هالشغلات بتصير جزء منا.

مش قصة ساعات كتير. لكن الضغط كل فصل بزيد كتير. يلا الله هانت.

إن كان قصدك ع سيرة الروحة ع المعرض فهو كان عنا عزا لقريب لهيك فكرة إنه احكي بدي أروح ع المعرض مستهجنة ومش حلوة. فإن شاء الله بلاقي وقت بآخر كم يوم. لو فيه عندك كتب حلوة اعطيني أسماءها عشان اجيبها.

osama يقول...

ربنا يرحمه ويغفرله
احكيلي شو قرأتي لعبد الرحمن منيف ؟
وقرأتي لمحمود درويش في حضرة الغياب ؟
وفي لكونديرا خفة الكائن التي لا تحتمل (بترجمه ثانية اسمها كائن لا تحتمل خفته)
حلوة الرواية ك سرد وكفكرة
بفكرلك كمان

موفقة حجة (f)

ثناء Kofiia يقول...

العُمر إلكْ.
قرأت نص قصة حب مجوسية. قريت نصها تلت مرات. بكل مرة كنت انشغل وما ارجعلها.
إذا بدي أجيبله من المعرض فحجيبله رواية وحدة مش اكتر. مش حابة أجيب كتير روايات.
آه عندي كائن لا تحتمل خفته من سنة. بس لسا قريتها. مخليتها للإجازة عخير :)

تسلم.

osama يقول...

اذا بدك تجيبي جيبي الاشجار واغتيال مرزوق مش طبيعية هالرواية ، ما في زيها
قريتي ل ادوارد سعيد ، صادق جلال العظم ؟
مناح امامير وفهمانين -لول-

المهم جايبلك شغلة حلوة ما بعرف اذا عندك بس البوم لدوريش مع الثلاثي جبران -لسا ما نشر بالاسواق -
http://www.filefactory.com/file/agf1354/n/In_The_Shade_of_the_words_-_Darwish_and_Joubran.rar
الالبوم ابداع

صحيح بدي نصيحتك برضو شي قصة قصيرة لانو ما بعرف غير زكريا تامر
وكمان بدي اقرأ لدستوفسكي بس مش عارف
نصيحتك

ثناء Kofiia يقول...

فكرت كان قصدك عن عالم بلا خرائط.
لا و الله ما قريتو. بشوف لو بلاقيه.
ازا رحت :D

زماااان ما سمعت هيك شغلات. بس هلا بالجامعة لهيك بنزلو بس أروح عخير :$
شكراً اسامة :)

أنا القصص القصيرة مش كتير بحبها. في لمماركيز مجموعة قصص قصيرة اسمها ايرنديرا البريئة. حلوة. في المرأة ذات الثوب الاسود لحنا مينة. ماشي حالها.
في روايات قصيرة. يعني بالكتير 150 صفحة بتكون. متل روايات يوكو أوغاوا. وكتير رواياتها حلوة. قريتلها حوض السباحة عجبني كتير. وقريتلها غرفة مثالية لرجل مريض كان ماشي حالها - مكررة شوي حسيت - بس هيك بتحس الشخصيات معقدة نفسياً- مش معقدة يعني مريضة، يعني نفسياتها مركبة بطريقة معينة - في روايات قصيرة لدستويفسكي كمان. في نيتوتشكا نزفانوفنا لدستويفسكي - بالمجلد التاني - بتحس نفسيات الشخضيات مركبة بطريقة معقدة كتير. كتير عجبتني.

هلا بالنسبة لدستويفسكي أنا اللي شفتو إنو أحسن ترجمة هي ترجمة سامي الدروبي - ما قريت غيرها بس عجبتني - وهو عامل اعمال دستويفسكي بمجلدات - 18 مجلد - ... اقرا اي شي لدستويفسكي ورح تحبو :) .. في الروايات الطويلة عندو متل الأبله، المراهق، الاخوة كارامازوف. يعني شوف اللي بتلاقيه :) . انا عندي مجموعة روايات قصيرة اله . حوالي 10 روايات. قريت تنتين لهلا. ما بدي يخلصو :$

ثناء Kofiia يقول...

آه صحيح دايماً بنسى اسألك. ما قريت روايات يابانية؟
قريت كافكا على الشاطئ؟

osama يقول...

عالم بلا خرائط وسباق المسافات الطويلة همة بس اللي ما قرأتهم من اعمل منيف -طبعا والمجموعات (مدن الملح وارض السواد)- ناوي بالتفرة الجاي اقرأ علام بلاخرائط بدي افهم كيف رح تطلع رواية كاتبها شخصين
ماركيز جربت اقرألو 100 عام من العزلة انو حلوة والزلمة عندو خيال مش طبيعي بس انو وبعدين ؟!!!، انا اصلا ما بحفظ اسماء لما اقرأ روايات لأ هوه مسمي 3 شخصيات نفس الاسم وكمان 3 نفس الاسم فتركتها بنصها وما كملتها

اسماء المجموعات القصصية رح احتفظ فيهم مشان ادور عليهم لما اروح ع المكتبة
ونفس الحكي ديستوفسكي -دايما بس اجي اكتب اسمو بخاف اغلط -
لأ ما جربت اقرأ ياباني
ما بعرف بحسهم جماعة اسيا شغل اخلاق وقيم ومش عارف هالحكي تبع كونفوشيوس والتاو
يعني بتعرفيني مش زلمة تبع اخلاق
همة بحكو بالله عن الاخلاق والعائلة والقيم والشغلات هاي ولا مواضيع عامة ؟ اذا في مواضيع عامة هاتي
بس المهم يكون في اشي بالنهاية مش انو بكتب بس مشان يعبي ورق زي بعض كتّابنا العرب -عرفتيهم اتوقع-

ثناء Kofiia يقول...

طلعت قاريتلو كمان اسماء مستعارة.
اليوم جبتله اللي حكيتلي عنها. بس مش تطلع مش حلوة :@ ؟

انت حسب اي ترجمة قريت لماركيز؟ بالعكس رواية 100 عام من العزلة روعة كتير :) انا جبت الترجمة اللي بكون بآخرها خريطة بالأسماء. وكل شخصية بتموت كنت أخربش عليها. لو حابب بصورلك اياها.بس هي رواية رائعة ع الاخر. احلى اشي ماركيز بكتابه " ورشة سيناريو " بحكي عن مئة عام من العزلة : لا أعرف كيف انطلت عليهم الخدعة. قصده لجنة نوبل. لانه أعطوه نوبل على 100 عام من العزلة. ازا بتحب السيناريوهات وهيك شغلات اقرا ورشة سيناريو بتخليك تفكر بالشقلوب :D

اليوم كمان جبت مجموعة قصصية لكاتب تركي اسمه أورهان باموق. اظن غنها مجموعة قصصية مش متأكدة. لانه ع الغلاف مكتوب ساجمع هذه القصص. ما كنت ناوية اشتريها بس غلافها عجبني والي ببيع نصحني فيها. كنت بدي اجيبله رواية تانية بس للأسف خلصت ونفسي اقراله بعد ما قريتله اسمي أحمر :)

لا لأ ما مش كتير بالقيم. في كتاب آه بحكوا بالقيم وهيك شغلات بس في كتاب ما بجيبو سيرتها. في منهم زي ما قلتلك بغوصوا بالنفسية. وفي هاروكي موراكامي لانه عايش برة فبتحس كتاباته خليط أجنبي ع ياباني. حتى اليابانيين ما بعترفوا فيه :D
بس لو تقراله كافكا على الشاطئ بعتقد إنك رح تحبها كتير :) رواية مو طبيعية بالمرة. رح تضل تفكر بكل شي فيها، حتى الكاتب بس ينسال بالصحافة عن المغزى منها بغير الموضوع وما برضى يحكي. بتحسها خليط من كتير اشياء وغامضة ومتل التركيبة - بزل - .. حلوة بنصحك فيها :) كتير طويلة هي بس رح تضل تقرا فيها. انا نفسي ارجع اقراها لو جبتها احكيلي عشان ارجع اقراها :) .

لأ ما الهم خص بالكتاب العرب تبعونا :D

osama يقول...

اسماء مستعارة والباب المفتحو مجموعتين قصصيات ، قريت منهم الباب المفتوح كيف اسماء مستعارة ؟
اذا ما عجبتك الاشجار واغتيال مرزوق وديلي ياها وببعثلك شو ما بدك بدالها كتاب (بحكي جد)
عجبتني هاي افكر بالشقلوب
خلص فرصة اشوفها بس انو 100 عام من العزلة مش طبيعي شو في شخصيات وشو بصيير احداث وبتدخل ببعضها وهات اعرف هو الشخص ولا ابوه ولا جدو ؟

اسمي احمر كانت كبيرة مشان هيك ما شاركتكم قراءتها ، ما بحب اطول وانا بقرأ برواية
برضو كافكا على الشاطئ كبيرة
بس ع نصيحتك خلص بشوفها المرة الجاي

ثناء Kofiia يقول...

خلص ماشي :)
اسماء مستعارة ... هم يمكن قريتها قبل 4 سنين . او 5 . مش كتير متذكرتها. بس انه قريتها كلها. اظن انها كانت منيحة.

بالنسبة لكافكاهي أطول من اسمي أحمر أظن. فانتازيا بنفس الوقت وفيها فلسفة وموسيقا وشغلات غريبة بتصير. ما بعرف بس انا حبيتها كتير ونفسي ارجع اقراها كمان مرة. بعدين مشوقة رغم انها طويلة بتقدر تخلصها بكم يوم.

100 عام من العزلة نهايتها مذهلة. ازا قريتها بنفس الفترة بتصير تعرف مين الاب ومين الاب واي رقم .. وهم اصلا كتير بموت منهم فكل ما يموت حد دغري ديليت ع الخريطة وبتعرف انه انتهى.

الروايات الطويلة مش حلو الواحد يطول فيها. بمل بسرعة حتى لو حلوة.

osama يقول...

جبت كافكا على الشاطئ قرأت 27 صفحة لحد هسة
واليوم حضرت عرض مسرحي لرواية غسان عائد الى حيفا
عدد الممثلين كان 1 بس وكانت ابداع
راحت عليكي صراحة

ثناء Kofiia يقول...

ما ازنخك :@
ليه ما قلتلي؟ كان نفسي اقراها مع حد مرة تانية.

نيالكم عندكم مسرحيات :( .. احنا هان ما في اشي ثقافي غير الحفلات الموسيقية.

مين اللي عمل المسرحية؟ وكيف قدر يمثلها 1؟

osama يقول...

لول
مهية طويلة
بدك بستناكي لانو حاليا بقرأ دفاعا عن المادية والتاريخ للعظم
وال27 صفحة قريتهم بالباص

اللي عمل المسريحة اسمو غنام غنام
مثلها لحالو
ابداع
لما حكولي انو ممثل واحد حكتلهم مستحيل يعني ع الاقل لما يلتقي سعيد مع ابنو ديفيد لازم يكون في شخصين مستحيل واحد يزبطها
بس لما حضرت جد زبطها

انو يعني هو بغير شخصيتو قدامك
هو بكون زي الحكاوتي عامل ،وبروح بتقمص كل شخصية لما يجي دورها
بس ما بغير بسرعة مثل الحوار لأ بخلص تمثيل الشخصية وبروح للثانية وبرد برجع للشخصية بعدين وهيك
ما اتوقع انك تفهميني صح -يعني مثل ما صار-
بس جد كانت ابداع

ثناء Kofiia يقول...

طيب انت خلص اللي بإيدك وانا بشوف. لأنه علي امتحانات وعجقة عيد. بخلص قبل العيد بيوم امتحاناتي :S

هو هاد ؟
http://www.youtube.com/watch?v=bArgoHKOiRM

osama يقول...

انا بخلص امتحاناتي بعد العيد بيوم

اوك اتفقنا

لأ مين هاد ؟

هاد هو http://www.youtube.com/watch?v=185Rj_Ut66U

ثناء Kofiia يقول...

يعني هو اللي بطلع باول الفيديو؟

osama يقول...

لأ
اللي بطلع باول الفيديو غسان كنفاني اسمو
p:

اه هو اللي بعد غسان بس بعرفش ليش هيك شكلو طالع

ثناء Kofiia يقول...

ولك عارفة انو غسان . بس بعدين بيجي واحد شعرو ابيض.

osama يقول...

لول اه
اه هو
بس ابصر ليش هيك طالع شكلو