الثلاثاء، 2 مارس 2010

يودعنا الشتاءُ .. II

بين الأحد والثلاثاء، اختلف الجو كثيراً. كانت السماءُ البارحَة مزينة بشمس حامية تقرص جباهننا. منذ مساء البارحة اختلف الجو وصار اسوأ عن الأحد . سيارات الاسعاف والشرطة كانت مستعدة اليوم ، منذ الفجر كان تجوب الطرقات. يقال بأن هنالك حالات اصابة كثيرة وهنالك وفيات و أشخاص كثر فقدوا بيوتهم. الأزمة التي تمر تنم عن ضعف شديد في البنية التحتية في العديد من المدن.عطلت المدارس وبعض الدوائر ، وبالطبع نحن كنا مجبورين على الدوام : )
صور من الطريق اليوم :

الشجر على الطرف الآخر اقتلع مساءً وهنالك شاحنتين لحمله .
 لا أظن بأن الطريق تصلح للسيارات العادية. لأن البعض كان إما عائم أو يقاوم بقوة.

هناك 12 تعليقًا:

غير معرف يقول...

كذلك الحال هنا ،
البارحة ما نمت ، الأمطار قوية ماشالله وتضرب النوافذ بقوووة

نحن جامعتنا أجزونا بس للأسف أنا أساساً عندي هاليـوم off =\

ثناء Kofiia يقول...

يلا الله بعين. ولو انو نفسي يضل المطر - لكن بشكل خفيف - للخميس. حلو المطر. بس البخوف العواصف اللي متل هيك :)

ليه يعني انتو عطلتو؟ شو هالغش :(
انا الاحد داومت عشان كلاس واحد العصر والحمد لله وصلت البيت ع العشا بالزور. واليوم داومت وللأسف رنخت بالمي وما كنت ماخدة احتياطي ولابسة صندل مفتوح من شطارتي وبنطلوني تحت العباي صار كلو مي لانو اضطريت امشي لحتى اوصل لمبنى بعيد :( وبنص الكلية انهبلت وشلحت الصندل ولبست هدول الصوف االي بنلبسو بالبيت. وقررت اروح الضهر وطنشت باقي المحاضرات لانو محاضرات الصبح كلها يا اما الدكتور ما بيجي يا اما الطلاب 80% منهم ما بيجوا .

غير معرف يقول...

هههههه ، أنا نفسي مستغربة من وين هطل عليهم كرم الإجازة

يؤ يؤ كان أجزوكم وريحوكم عالأقل هاليوم ،

ثناء Kofiia يقول...

انا عارفة :(
اسأليهم. مع انو الجامعة غرقانة ع الاخر :\ انا روحت لانو خلص انبليت ع الاخر هههههههههه وضعي كان مأساوي

rawan يقول...

يؤ موضح انه كانت عاصفة مطرية قوية ,

الحمدلله اذ عدت على الخير
=)
وعسا ايامكم دائماً ربيعية سعيدة

مدونة جميلة يشرفني وجودي بها

ثناء Kofiia يقول...

yes it was
thank you nebras

هادية يقول...

والله يا كوفية نحنا عطينا لحالنا إجازة !
مثلا أول يوم مطرت فيه جيت ع الجامعة ورجعت تي تي تيتي متل ما رحتي متل ما جيتي ..

بعدين خلص لما كملت العاصفة عرفنا تاني يوم انو ما لازم نجي ..
ومع انو كان عندي امتحانين بس غبت بعد ما اتصلنا بالدكتور وقلنالو : موووو جايييين خخخخ

كيفك مع الإجازة الربيعية الحلوة ؟ :p

ثناء Kofiia يقول...

ايوا ايوا،
انتو بتعطلوا واحنا اللي بتعزب ، ماشي ماشي :(
مهوي نيالكم انتو اكيد ما عندكم امتحانات بعد الاجازة وانا عندي كومة بلاوي :( فأكيد مش رح تكون حلوي :D
بس الحلم انو صحية الصبح بتتأخر :)
ايمتا بدنا نشوفك صحيح :O ؟

هادية يقول...

هاهاااي !
مين قال ما عنا امتحانات..
حبيبتي كلو اتأجل لبعد الإجازة..
مو بس هيك
تسليم البروجكتات والواجبات :(

الله بيعين ..

اذا انتي بالطب معناها قوليلي انتي شو الأوقات يلي بتكوني فيها بالكليات عنا .. مشان نشوف بعض بالمركز الطلابي مثلا ؟ :D

ثناء Kofiia يقول...

انا قلت :o
ما دخلني برضو مو مقتنعة :o
بتعرفي المركز الطلابي يمكن من سنة ما رحت عليه :S

ابعتيلي ايميلك ع الجيل ميل :)

سراب .. يقول...

انا علقت بنص الليل بهالمي يا كوفية :'( كنت راجعه من عجمان لدبي .. وعينك ما تشوف الا النور ..

4 ساعات لحتى قدرت اوصل للبيت

ثناء Kofiia يقول...

بالليل هههههههههههههههههههههههههههههههههههههههههههههههههههههههههههههههههههههههههههههههههههه يحراااام عنجد :D
مش منزر و الله :p
معلش بس عم بتخيل بشكلك وعم بضحك عليكي :$

شو موديكي على عجمان الله يهديكي يا خرافية.