الأحد، 13 ديسمبر، 2009

شتي يا دنيا *




استيقظتُ متأخرة اليوم، وقبل أن أفتح الستائر جاء أخي ليُخبرني أن ألبس شيئاً دافئاً لان الجو بادر كثيراً ، عدا عن العاصفة الرعدية التي في الخارج والمطر الذي لا زال مُستمراً منذ الليل، وبالمناسبة لا بد من التنويه بأن عندي فوبيا من الرعد، ولو حصل أن تزامن الرعد مع خروجي من البيت لربما أصبت بحالة هستيرية وشرعت بالبكاء.

من عاداتي السيئة أنني لا أتابع الطقس خلال الشتاء. أقف بانتظار اليوم التالي وما يحملهُ معه.  وكما هي العادة في كل " مطرة طويلة " تغرق الجامعة؛ بحيث تصير المياه في مستوى الرصيف ولا يكون هنالك مجالٌ للمشي؛ القفز في البركة العميقة أو البقاء في نفس المكان. وتلك هي إحدى سيئات عدم وجود التصريف أو قلة وجوده في الكثير من المناطق هنا ذلك أنهم لا يتوقعون كمية أمطار بهذا الحجم. لم أخرج كثيراً وآثرت البقاء في الكلية، وكان اكثر ما استفزني هُو جو الأسكيمو الذي لا أعرف أي عامل قام بصنعه. كانت درجة التكييف في الداخل بين ال 16 و ال 18 درجة مئوية. وإن جئنا للمنطق فبحالة كهذه نحن بحاجة لمدفأة ونار بدلاً من أن نرتجف خلال المحاضرات !

طبعاً هذا لا يعني أنني لم أغرق أو تتبهدل ملابسي، فلم يكن هنالك من مجال لدخول البيت الا والغوص في البركة الكبيرة التي لا يزال المطر ينسكب بها. 

عاصفة هادئة وسعيدة للجميع : ) ،
الصورة ل : hmd1988

هناك 4 تعليقات:

Mothanna يقول...

في بلاد الخليج هاي الحالة غريبة ويمكن بعتبروها نادرة..لانك بتحكي ما في بالشوارع مصرف للمياه..
احنا بتوصل درجة الحرارة ْ10 وأقل وبنكون بالصف قاعدين بلا تدفئة..يعني التدفئة بالمدارس اشي غريب عنا...زي ما المدارس عندكم بلا تكييف بكون اشي غريب..

كوفية يقول...

مش كل المناطق. في مناطق فيها مصارف لكن فيه مناطق ما فيها.
اه بس انتو شو بتوكونوا لابسين ساعتها؟ جرازي وجاكيتات ومتدفيين. احنا لأ بنكون كلها بلوزة وحدة ! فهون بكون الفرق. يعني كتير مرات بتكون شوب بايام الصيف مثلا او الخريف وبتكون درجة الحرارة بالصف 15 حاطينها وبنكون فرزير لاننا مو لابسين شي والهوا بكون بلعب لعب.

خُـرافية ,, يقول...

شو بدك أحلى من هيك جو عم يخلوكي تعيشيه يا كوفية ..

يعني شتا برا ولازم تحسي بالبرد كرمال تعرفي إنك بالشتي هههه ..

ما تكوني بسوريا أو فلسطين شو بتعملي بحالك لكن ؟


الشتاء نعمة من الله

كوفية يقول...

حتى اليوم كتير برد :) مع انو مش مطر. جعبالي اشتري متل هدول الجاكيتات الحلوين من زارا :D بلكي اليوم او بكرة :$
وئت كون هناك بنام ب شي 3 حرامات او اربعة فوقي هههههه وبلبس ميت بلوزة وميت بنطلون :D بعجب عحالي عدا عن انو اصابيعي تنفخو بآخر شتوية قضيتها هناك مش عارفة شو السبب كان :( بس كنت كتير احب الشتا هناك ، احلى من هون طبعاً. بس هون الشتا مزاجي مش متل هناك .

حدث خطأ في هذه الأداة