الخميس، 3 سبتمبر، 2009

Terminal 3

يبحث الزبون دوماً خلال سفره عما يُوفر لهُ سبل الراحة. يختار شركة طيران مُعتمد عليها توفر له ولأطفاله سفرة جيدة جداً وكما أنه يختار فندقاً نظيفاً ذا خدمات ممتازةفي البلد الذي يزوه. و أنا كـ " زبون " قبل أن أسافر أحسب ألف حساب لكل المطارات التي سأمر عليها ولشركات الطيران التي توفر حجوزات السفر لمنطقة معينة خلال فترة زمنية أريد السفر خلالها. هنالك بعض المطارات " في العالم العربي " غير نظيفة أبداً وخدماتها سيئة للغاية. ونستطيع تحليل الأمر " ببساطة " بأنها تخضع لإدارة ونظام سيء جداً ؛ فتجد العاملين فيها غير لُطفاء أبداً وقد ترى الفرد فيهم عابساً كل الوقت في وجهك وكأنك بسفرك سرقت منه ساعات راحته.
يُعجبني مطار دبي كثيراً للخدمات المميزة التي يقدمها لعملائه. فلن يكون هنالك تأفأف " وإن حدث فإنه قليل جداً مقارنة بمطارات أخرى " . المبنى 3* تم الانتهاء منه منذ عدة أشهر وهو من أكثر المباني فخامة في العالم. كما أن الفندق الملحق بهِ يُعد من أفخم الفنادق الملحقة بالمطارات.

*
تم تخصيص هذا المبنى لرحلات طيران " Emirates Airlines " وهو يقدم خدمات مميزة لركاب الدرجة الأولى ودرجة رجال الأعمال.
1-
2- للاستزادة " صور "

هناك 12 تعليقًا:

It's me يقول...

..

كم أنا مهمل !

لم أتطرق لنقد معبر رفح أبداً مع أنه

يفتح مرة كل ثلاثة شهور
تحتاج التسجيل في وزارة الداخلية قبل 6 شهور
تحتاج إلى سنة في مرات كثيرة حتى توفق في السفر
تنام يومين أمام الداخلية أو في معلب كرة قدم
وقد يلحق بك مبلغ لا بأس به
والكم الهائل من الشتائم التي تطول جد أجدادك
و و و و


تحيتي وورد .

كوفية يقول...

صباح الخير ..
هنالك فرق كبير بين أن يكون الأمر تحت يدك وبين أن يكون تحت يد العدو.
أنا أتضايق كثيراً من الجسر وأكره أن أسافر حتى لا أمر به. وطبعاً هالشي اليهود بحبوه :p
ونفس الشي بأريحا وقت يصيروا بدهم يروحو ع عمان. مذلة مش طبيعية للناس وقرف.
وبدك شي 13 ساعة لتوصل.
وفي النهاية لا معبر رفع مطار ولا حتى استراحة أريحا ولا الجسر كمان !

ما بعرف لو فيه بمعبر رفح ناس فلسطينية بيشتغلوا " من السلطة يعني " بس عند الجسر في طرفين أردني وفلسطيني.
بالفترة الاخيرة لاحظت تطور من الطرفين في تسهيل الأمور على المسافر بس برضو لسا في شغلات كتير بدهم يعملوها ليقدروا يسهلوا العملية. يعني الخدمات مش كل هالقد. والرشاوي شغالة عشان تقدر تخلص شغلك بسرعة. والبهادل والصياح وال ال ال لساته. بتحسنا فعلاً لساتنا عالم ثالث وصعب نتطور.

طبعاً انا هون بس حكيت عن المطار هاد ما كان هدفي اقارن فيه معبر رفح ولا الجسر :) القضية هي مقارنته مع مطارات عربية أخرى ..

ود.

It's me يقول...

..

صباحك ِ فجر

معبر رفح طرفين مصري وفلطسيني
وكان الرد فقط لذكر السفر والمطار
تذكرت المعبر ومعاناته

على الأقل الجسر يعمل يومياً !

معبر رفح مرة للعمرة ومرة للمرضى وأخرى للحج

هذا فقط ويتخلل بعض الاشياء الأخرى
والحديث هنا سنوياً

وسجن طيب
خير من مطار معطوب :p

كوفية يقول...

طيب ازا طرفين عرب. ليس بتسكر؟ انا كنت بفكر اليهود بسكروه.

الله يعنكم .. ان شاء الله تفرج.

إسلام محمد يقول...

معك حق محمود
الحكي عن مطاراتهم ما بخصنا :D
بالنسبة للمعبر بلالكم السيرة العفنة :)
الله يعين ان شاء الله
و يتفجر على خير ههه !

كوفية يقول...

كان عندكم مطار غزة يا اسلام زمان :p

يتفجر ولا تفرج :S ؟

نورتي اسلام ..

jafra يقول...

الامارات من الدول اللي بتحافظ على
هيبتها و شكلها كدولة اقتصادية بيقصدها العالم كلو
يعني بوابة الدول مطاراتها

و هو مطار مميز بالفعل
و الخدمات فيه حلوة كتير
زي معبر رفح بالزبط :)

كوفية يقول...

أهلين جفرا ..
بالفعل هي دولة تسعى دوماً لكل جديد من أجل مواطنيها ومن أجل السياح كذلك.

زي معبر رفح ؟
بجوز ;)

BluE يقول...

قد يكون متوفر به كل شئ الا انهم بزودوها كثير مش شوي بس بكل هالترف يعني..
على الاقل -حسب رايي- ما بايد كل نبذير الاموال على احسن مطار واكبر مول وافخم فندق.......

شكليات لا معنى لها .. البنايات ما بتبني حضارة حتى لو وضعت فيها الملايين .. خليهم ينتبهوا لاشياء اهم بكون احسن

والمصاري ما بتبقى للابد...

دمتِ بخير أينما سافرتي

كوفية يقول...

أهلين زرقاء ..
يمكن ما بعرف.
بس يعني مقارنة بمطارات X اللي البشتغلو فيهم مكشرين 24 ساعة والمطار نفسو مش منظم ومش نضيف هدول أحسن .

اكيد مش ببلاش حيكون يعني كل اشي بمصاري مهو :) وهم بعملوا هيك عشان يجذبوا الزباين ... يعني اي زبون بكون بدور عراحتو بالنهاية * . انا عندي عقدة من قلة النضافة ومن الوجوه المكشرة :D

* فيه زباين بدوروا عاشي رخيص. فيه زباين بدوروا عاشي متوسط وفي ناس بتدور ع اشي غالي. بس بالنهاية اكيد كلهم بتفقوا بالتنظيم والنضافة وغيرها.

نورتي.

خُـرافية ,, يقول...

هو المفضل لدي في كل مرة أختار فيها وجهه سفري ,,


حقيقة ,, هو خيال و أريحية في السفر كثيرا ,


شكرا كوفية لتقديمك هذا


وشكرا لدبي ,, لأنها الأفضل

كوفية يقول...

اهلاً خرافية ..
بالضبط يا صديقتي.

يا هلا.

حدث خطأ في هذه الأداة