الاثنين، 24 أغسطس 2009

24-8


كنتُ أمشي سريعاً وقد عمدتُ ليلة البارحَة على شُرب كميات كبيرة من الماء لأنني أعرف أنني سأغرقُ عرقاً وسأشهتي الماء المُخزن في ثلاجات الكُلية. كُنت أضحكُ في سري على – السنافر – وأتمنى لو يمُر فصل واحد من دُونهم. جلسنا في نفس القاعَة التي اعتدنا عليها منذ أيام ال anatomy " علم التشريح " ، جلستُ على الكُرسي نفسه وفتحت الشاشَة الكبيرَة نفسهَا ووضعتُ فيلماً كرتُونياً كي نضحكَ ككل صباح. وإذ بفتاةٍ تبدُو غريبَة تدخُل القاعَة وتجلس ويبدُو أنها اجتماعية كثيراً. لملمتُ أغراضي وسألتها " شو عندك ؟ " وقالت : عربي !

- عربي ؟ احنا عنا مادة تخصص. معقول بنفس الوقت ؟

= عنجد والله مكتوب بالجدول 12 ونص .

- معقول غيروا القاعة وما حكولنا؟ اشوف جدولك أتأكد ؟

ويبدُو أن الصبية هذه لم تكن تعرف أن الجداول في رمضان تتغير. وربما لهذا السبب كانت المسكينة تُداوم ولا ترى طلاباً في المحاضرات وتستغرب كيف أنها دوامت طيلة أيام رمضان ولم تفكر أن تكون على خطأ !! : p

خلال تجوالي اليوم لاحظت أن العميدة تضع كمامة. كُنت أمر من مكتبها وأضحك. أراها تتحدث مع الطلاب وهي تضعُ كمامة، تمشي وهي تضعُ كمامة. مر بعد ذلك دكتور آخر وهو يضع كمامة. لم أستطع كتم ضحكي فانتبه وقال : احنا حاطينها عشان صحتكم مش عشان خايفين منكم؛ انا مفلوز وحطيتها ..

سارعتُ بعد ذلك للحمام وغسلت يدي أكثر من مرة رُغم أنني لم أمسك شيئاً من مكتب العميدة أو الدكتور. ولكنني امسكت بالدرابزين، وجريدة الصباح وبعض الكتب ... أخذت الفتيات تتحدثن عن حجم الإصابات بالمرض. وكيف أن مستشفيات الدولة لم تعد تتسع وصارت تُصدر لمدن أخرى. وبأن المستشفيات تئن وتقول : يكفي مرضى بهذا المرض ! استغربتُ كثيراً وأخبرتُهم أنني لم أسمع سوى عن حالات معدودة فقط وعلى ذمة إحدى الفتيات " فالمستشفيات متروسة ترس " استفسرت من صديقة لي،تعمل في إحدى المستشفيات وقالت : لم يعد هنالك متسع للمرضى. نعطي المرضى أدوية فقط ونخبرهم أن يلزموا البيت.

هناك 9 تعليقات:

SyrianGavroche يقول...

طلعتي زميلتنا؟

أنا كمان طالب طب !


تحياتي

ثناء Kofiia يقول...

مش طب طب :D
هيك شي .

يا أهلين .

Mothanna يقول...

معقول!!صارت الانفلونزا تنتشر عالساكت!
بس سؤال صغير،شو الصورة وشو الموضوع؟؟
شو الارتباط بينهم

ثناء Kofiia يقول...

مسا الخير مثنى ..
في بلد بتعلن وفي بلاد ما بتعلن. احنا هون شو ما بصير ما بحكوا لانهم بخافوا يعملو ذعر بين الناس يعني بحلو كل شي عالساكت.

الموضوع بحكي فيه عن الجامعة أول شي والدوام وشو شفت وشو عرفت ..

هاي صورة للجامعة .

إسلام محمد يقول...

بتعرفي شو نفسي من زماااان يا كوفية
نفسي اعرف انتي وين ؟

ثناء Kofiia يقول...

بمحل بعيد :p

ثناء Kofiia يقول...

يعتذر إسلام وبعتذر غير معرف - ولو انو مبين من ردك من انت :) -
بس الصورة ما كان الهدف منها انو الناس تقعد تتحزر وتكتب انا وين وشو بدرس :)

ود.

لبنــــــــــى يقول...

كوفية خايفين علينا من الذعر
اذا لازم يخافوا علينا من حالهم اول شي
احلى شي قصص السنافر
و الله افلام
بس بيوم كنت انا كمان سنفورة و صار في افلام
:)
قصصك حلوة

ثناء Kofiia يقول...

انا لازم اعمل كتاب كامل عن سنافر الجامعة عنا .. مش بس أفلامهم.. عن نظرتهم للجامعة كيف قبل ما ينصدموا :D
اليوم كنت بحكي لصاحبة الي عن قصصهم البتضحك الا بتقول ييي شو امامير الفريشمن هدول وهبايل :D لسا ما صاروا اشرار زينا :D
نورتي وتسلمي يا رب :)